Meriton Korenica ka debutuar me fanellën e Kosovës dhe atë në ndeshjen kundër Zvicrës, ku bëri diferencën në pak minuta sa luajti.
Mesfushori sulmues u fut në lojë në minutën e 80-të dhe asistoi te goli i dytë i barazimit. Ndeshja u mbyll 2-2 dhe Korenica duket se është ndarë i lumtur me debutimin.
“Ëndrrat bëhen realitet. Kënaqësi dhe nder për mua të bart fanellën e vendit tim, në stadiumin “Fadil Vokrri”. Faleminderit shumë të gjithëve për mbështetjen – kemi rrugë vështirë, por për ne, asgjë nuk është e pamundur”, ka shkuar Korenica.
Korenica ka kaluar këtë afat kalimtar te Manisa në Turqi nga Ballkani.
Ai ndër vite është konsideruar si një nga lojtarët më të mirë të futbollit kosovar. /Telegrafi/