Ministri i Punëve të Jashtme, Glauk Konjufca ka komentuar deklaratën e ministrit të Jashtëm serb, Ivica Daçiq i cili tha se Sierra Leone ka tërhequr njohjen e Kosovës.
Sa i përket kësaj deklarate, ministri Konjufca u shpreh se nuk është e sigurt nëse vërtetë Sierra Leone e ka bërë një gjë të tillë.
Konjufca në një deklaratë për media tha që është i pavërtetë pretendimi i Serbisë lidhur me këtë çështje.
“Deri më tani çka kemi informacione 12 – 15 shtete e kanë proklamuar raportet diplomatike me Republikën e Kosovës. Sa i përket rastit konkret asgjë nuk është e sigurt dhe këto janë pretendime të Daqiçit”, u shpreh Konjufca.
Ai tha se e përkrahë kryeministrin Albin Kurti sa i përket heqjes së pjesshme të taksës, duke shtuar se duhet të ketë një periudhë 3 mujore për të parë se çka do të veprojë Serbia. /Telegrafi/