Policia e Kosovës ka konfiskuar tre armë zjarri në tre raste të ndara.
Nga Drejtoria Rajonale e Policisë, Metro ka mësuar se policia e Kosovës ka konfiskuar tre armë zjarri, në tre raste të ndara.
Njëri rast të bëjë me shkrepje me armë zjarri në një aheng familjar, ku personit me inicialet S.H i është konfiskuar revolja me gaz Ecol Special 99. Ndaj personit janë iniciuar rastet për shkaktim të rrezikut të përgjithshëm dhe mbajtje në pronësi, nën kontroll, në posedim ose në shfrytëzim të pautorizuar të armëve.
Rasti i dytë ka të bëjë me konfiskimin e një arme të po të njëjtit tip, nga personi me inicialet A.z mashkull 18 vjeç. Policia ka arrestuar personin e dyshuar.
Rasti i tretë ka të bëjë me arrestimin e personit me iniciale M.D, i cili është arrestuar për kanosje dhe dhunë në familje. Policia i ka gjetur dhe konfiskuar një armë automatike AK-47 si dhe një karikator me 9 fishekë.