Policia e Kosovës, gjatë kontrollit në veturën e një personi ka gjetur dhe konfiskuar një armë-pistoletë me gaz, 15 (pesëmbëdhjetë) fishekë, një karikator dhe një boks hekuri.
Rasti ka ndodhur të martën rreth orës 23:10, në Prizren.
Sipas raportit të policisë, i dyshuari është shoqëruar në stacion policor dhe është intervistuar. Me urdhër të prokurorit kujdestar rasti shkon në procedurë të rregullt. /Telegrafi/