Këngëtari Blero Muharremi ka goditur sërish me një fotografi kontraverse dhe me planin që ai ka paralajmëruar.
Teksa të gjithë po ruajnë befasitë dhe letrat e tyre për projektet goditëse të verës, është Blero ai që ka vendosur të bëjë gjithçka publike.
Ai para të gjithëve një muaj më herët ka konfirmuar se më 21 qershor do të lansohet projekti tij për këtë verë.
Telegrafi mëson se projekti do të jetë me Ukin, këngëtarin shumë të talentuar prishtinas i cili njihet për zërin e tij karakteristik, pa përjashtuar një tjetër artist që do të mund të kyçet në projekt.
Detaje tjera të projektit Blero pritet t’i konfirmojë në vijim.
Ai me këtë rast është tallur edhe me një pjesë të estradës duke shkruar se të tjerët tash kanë kohë që t’i ndryshojnë planet.
Sipas këtij postimi në Instagram klipi do të punohet nga kompania Asha.
Blero së fundmi ishte pjesë e bashkëpunimit “All in” me kantautorin Nurteel Morina. /Telegrafi/