Më në fund ka ardhur konfirmimi për duelin e radhës në UFC të Khabib Nurmagomedov.
Ka qenë presidenti i UFC-së, Dana Whitte që ka konfirmuar se dueli i radhës i rusit do të zhvillohet këtë verë, por jo në një vend të zakonshëm, por në Ishull.
White ka konfirmuar se kundërshtari i radhës i Khabib do të jetë Jutin Geathje që triumfoi në ngjarjen e UFC-249 ndaj Tony Ferguson.
Numri një i UFC-së, ka konfirmuar se kampioni i botës për peshat e lehta në UFC, Khabib Nurmagomedov do të vijë në Amerikë për ta zhvilluar meçin gjatë stinës së verës me një Ishull.
“Khabibi do të vijë këtu dhe do të ndeshet në Ishullin e Dueleve, ku do të zhvillohet sfida mes tij dhe Justin Gaethje për titullin e kampionit”, ka deklaruar White.
Dana White ka thënë se sfida është paraparë të zhvillohet në Ishull, por mund të ndryshojë vendi nëse situata nga coronavirusi ndryshon.
“Kjo përballje do të zhvillohet këtë verë, në një Ishull, por nëse ndryshon situata nga Covid-19 atëherë mund të ndryshojë edhe vendi i meçit”, deklaroi White. /Telegrafi/