Një sërë postimesh të DJ Blunt dhe Real 1 bashkë me liderin e Babastars, Ghetto Geasy, ngjallën dyshime për një duet të mundshëm në mes të emrave të njohur të estradës.
Dhe këta artistë shqiptarë duket se kanë mbledhur forcat për një projekt të përbashkët dhe ky pritet të prezantohet së shpejti para publikut.
Kjo tashmë është konfirmuar edhe nga menaxheri i label-it Babastars, Dekorim Sahiti.
Ky i fundit në një prononcim për Telegrafin e konfirmoi bashkëpunimin e dy yjeve të Babastars, Ghetto Geasyt dhe Onatit me DJ Blunt dhe Real 1.
“Po, së shpejti po vjen një bashkëpunim i Ghetto Geasyt dhe Onat me DJ Blunt & Real 1”, ka thënë Dekorim Sahiti për Telegrafin.
I njëjti tregon se kjo këngë pritet të publikohet gjatë ditëve në vijim dhe xhirimet e klipit thuajse janë në finalizim. “Nuk është akoma një datë e saktë e publikimit, por kënga do lansohet gjatë ditëve në vazhdim dhe xhirimet gati kanë përfunduar”, ka thënë më tej Sahiti.
Reperët e lartpërmendur gjatë këtij viti kanë qenë mjaft të angazhuar me projekte muzikore, ndërsa nuk munguan as në mbrëmje të ndryshme në mbarë trojet shqiptare. /Telegrafi/