Sot kishte protesta në Tetovë nga lagjja ‘Dardania’ e cila është shumë afër deponisë së egër në hyrje të qytetit, transmeton Telegrafi Maqedoni.
Protesta u bë për deponinë e mbeturinave dhe mbante moton ”Largo deponinë nga qyteti!”.
Qindra protestues ishin para objektit të komunës por ajo çka ra në sy ishte guximi i qytetarit që të derdh mbeturinat e shtëpisë para derës hyrëse të komunës të cilën ata e fajësuan për deponinë.
“Kemi kërkuar që të largohen këto mbeturina tek dera e shtëpisë sonë. Kjo kryetare, kjo komunë dhe ky pushtet do të na mbyt. Jemi këtu që ta përkujtojmë kryetaren se Tetova nuk u bë qytet evropian siç ajo premtoi”, thanë nga Këshilli organizativ i protestës.
Protestusit paralajmëruan se do të vazhdojnë me protesta. /Telegrafi/
