Disa dhjetëra kompani të teknologjisë së lartë, duke përfshirë Facebook, Google, Microsoft dhe Twitter kanë depozituar një kërkesë në Gjykatë kundër dekretit të Donald Trump që kufizon imigracionin nga vende të konsideruara me rrezik nga ana e presidentit amerikan.
Ky dokument, i depozituar dje në mbrëmje në Gjykatën e Apelit, akuzon dekretin e presidentit amerikan se do të shkaktojë për rrjedhojë dëme të konsiderueshme në tregtinë amerikane, në fushën e inovacionit dhe zgjerimit të sektorit të biznesit.