Koki Surle është një artist shqiptar shumë i veçantë.
Ai jeton dhe vepron në Zvicër, teksa njihet me profesionin e tij si instrumentist që realizon ‘remix’ të këngëve të famshëm.
Koki ekzekuton në intrumentin e famshëm popullor surle, duke iu dhënë kështu këngëve të famshme një kahje dhe zhanër krejt ndryshe.
Shumë nga këto interpretime, ai i ndan me ndjekësit e tij në rrjetin social Instagram, duke marrë pëlqime dhe komente të shumta.
Ai ka realizuar ‘remix’ me surle këngën e famshme “Say my name” të Bebe Rexhës, David Guetta dhe J-Balvin, “Con Calma” të Daddy Yankee dhe Katy Parryt, si dhe shumë të tjera.
Në një video të publikuar në kanalin YouTube dhe rrjetin social Instagram, Koki ka treguar për atmosferën që ka arritur të krijojë në një nga koncertet e tij në “Rinora 4”, në Zvicër.
Interpretimet e tij ‘remix’ me këtë instrument kanë zgjuar shumë interesim te përdoruesit e rrjeteve sociale dhe kjo është arsyeja që tashmë ai numëron mbi 26 mijë ndjekës në llogarinë e tij, derisa ai tani po merr pjesë edhe nëpër ndeja dhe ahengje të ndryshme. /Telegrafi/
