Ish-trajneri i Barcelonës, Ronald Koeman, beson se klubi ka nevojë për një lojtar si Kylian Mbappe për të konkurruar me rivalët e tyre të përhershëm, Real Madrid.
Në një intervistë, Koeman vlerësoi skuadrën e Real Madridit, duke e quajtur atë “një ekip për të ardhmen” dhe pranoi se Barcelona ka lojtarë të rinj të talentuar si Lamine Yamal, Pedri dhe Gavi.
Megjithatë, Koeman theksoi se Barçës i mungon një lojtar që ndryshon lojën si Mbappe, i cili mund të ketë një ndikim të rëndësishëm në performancën e ekipit.
“Unë mendoj se Real Madridi është superior ndaj Barçës në shumë mënyra. Barcelona ka nevojë për lojtarë si Mbappe që bëjnë ndryshimin në çdo mënyrë”, ka thënë fillimisht Koeman.
“Ekipi që ata kanë është një për të ardhmen dhe e di që Barça ka lojtarë të rinj shumë të mirë, Lamine Yamal, Pedri, Gavi”.
“Lojtarë të mëdhenj, por Barça ka nevojë për njerëz si Mbappe, të cilët bëjnë diferencën në çdo mënyrë”, përfundoi trajneri holandez. /Telegrafi/