Pas transferimit të fituesit të Kupës së Botës me Italinë, Cristian Zaccardo, skuadra Sammarinese, Tre Fiori, tani e do brazilianin Dani Alves në skuadrën e tyre.
Tre Fiori nënshkroi me Zaccardon në pjesën e dytë të sezonit të kaluar dhe tani janë gati të shtojnë në mbrojtje një tjetër emër të njohur ndërkombëtarisht.
Ata janë të njohur ‘Ultras’ dhe janë shtatë herë kampionë të San Marinos, por nuk kanë fituar titullin e Ligës që nga viti 2011 dhe përfunduan të tretët në sezonin 2018-19.
Alves, nga ana e tij, është lojtar i lirë pas largimit nga Paris Saint-Germain dhe 36 vjeçari, i cili fitoi kohëve të fundit Copa American me Brazilin ka marr një ofertë pasi deklaroi se po kërkon skuadër.
“Hej Dani! Ne pamë CV tuaj, nuk ishte keq! Jemi Tre Fiori, skuadra më e suksesshme në Republikën e San Marino. A do të na bashkoheni për të fituar më shumë trofe?”.
“Ne do të ishim të lumtur t’ju mirëpresim këtu në San Marino! Futbolli i mirë dhe “piadina” e shijshme [një sandviç Sammarinese] ju presin!”.
“Dani Alves kërkoi një ekip dhe ky është propozimi ynë! Çfarë i thoni kësaj? A do ta bindin arritjet tona apo ‘piadina’?”, thuhet në postimin e Tre Fiorit në Instagram. /Telegrafi/