Klubi futbollistik më i vjetër në botë, Sheffield FC, zyrtarisht ka bërë një ofertë drejt yllit suedez Zlatan Ibrahimovic.
Klubi që është pjesë e “Northern Premier League Division One South”, rangu i tetë i garave në Angli, ka publikuar në Facebook një letër drejt Ibrahimovicit në të cilën e ka ftuar lojtarin t’i bashkohet klubit jo për para, por për hir të futbollit.
“I dashuri Zlatan Ibrahimovic”, nis letra e hapur e klubit.
“Nëse jeni duke kërkuar një sfidë të re, jemi të lumtur të diskutojmë një nënshkrim për sezonin e ardhshëm. Ne nuk ofrojë çeqe, por lojë të vërtetë. Ndoshta vendimi më i duhur për ty do të ishte të krijoje një trashëgimi për futbollin, jo vetëm të jesh legjendë për një lojtar. Loja vlen më shumë se paratë dhe fama”, shkruhet në letrën e klubit.
Mino Raiola, agjenti i lojtarit, e as vetë lojtari akoma nuk kanë dhënë ndonjë përgjigje për këtë ofertë.
Ibra sivjet është larguar nga PSG dhe aktualisht është lojtar i lirë.