Një klub befasues i cili po lufton për të siguruar mbijetesën është bërë pjesë e garës për transferimin e Marcus Rashford.
E ardhmja e Rashford tek Manchester United ka mbetur tejet e pasigurt që prej se ai tha në një intervistë se është i gatshëm për një aventurë të re.
Disa klube janë lidhur me një transferim të mundshëm të anglezit, ku nuk mungojnë ofertat edhe nga Liga Premier.
Rashford nuk ka luajtur që nga takimi ndaj Viktoria Plzen në Ligën e Evropës muajin e kaluar, teksa mungoi edhe ndaj Liverpoolit shkaku i sëmundjes.
Një largim nga ‘Djajtë e Kuq’ në janar është i mundshëm, me një raportim të fundit nga Italia që bën me dije se Como ka kthyer vëmendjen tek Rashford.
Gazetari italian Gianluca Di Marzio ka thënë se Como që drejtohet nga Cesc Fabregas, i është bashkuar një liste të madhe klubesh që kanë shprehur interesim për Rashford.
Di Marzio ka pretenduar se klubi italian ka qenë shumë ambicioz në afatin kalimta, pasi tashmë kishin transferuar emra si Raphael Varane, Andrea Belotti, Nico Paz dhe Pepe Reina.
Varane, i cili tashmë po punon si një ambasador i klubit pas pensionimit, mund ta bind Rashfordin që të largohet nga United në drejtim të Comos, pasi kanë luajtur atje së bashku.
Como, sidoqoftë, po përballet me konkurrencë të madhe nga klubi tjetër italian AC Milan, të cilët po ashtu kanë biseduar me përfaqësuesit e lojtarit./Telegrafi/