Klopp vendos rekord historik që klubi nuk e kishte arritur asnjëherë – mposht të gjitha skuadrat brenda një sezoni

Liverpooli ka vendosur rekord historik pas 127 vitesh ekzistence si klub.

The Reds kanë arritur që brenda një sezoni t’i mposhtin të gjitha skuadrat në Ligën Premier.

Kjo e arritur është fal Jurgen Kloppit që ka arritur ta rikthejë klubin në majat e futbollit evropian.

Asnjë trajner deri më tani te skuadra angleze nuk e kishte bërë një gjë të tillë, por tani e ka bërë gjermani.

Liverpooli ka arritur që të fitojë ndaj të gjitha skuadrave në ligën angleze në këtë sezon, derisa është shumë afër ta fitojë titullin e ligës pas më shumë se 30 vite pritje.

Lexo po ashtu Liverpooli vazhdon sigurt drejt titullit, fiton edhe ndaj West Hamit

Fitorja e sontme 2-0 në udhëtim te West Ham United, ka bërë që kampioni në fuqi evropian të shkoj +19 pikë diferencë ndaj vendit të dytë, Manchester City.

Ata janë në rrugë të mbarë që ta fitojnë Ligën Premier, derisa ky rekord do të jetë një motiv shtesë për ta. /Telegrafi/