Trajneri gjerman, Jurgen Klopp nuk mundi t’i mbante lotët pasi dëgjoi thirrjet e tifozëve të Liverpoolit në një ngjarje të organizuar për të shënuar largimin e tij nga klubi anglez.
Klopp drejtoi Liverpoolin për nëntë vjet dhe me të arriti rezultate të jashtëzakonshme para se t’i thoshte lamtumirë klubit.
Ai u rikthye shkurtimisht në qytet mbrëmë për lamtumirën e organizuar “Nata me Jurgen Klopp”, e cila ishte plot emocione.
Jürgen Klopp can’t hold back the tears as the crowd sing his name after an emotional montage of moments from his incredible nine years in charge of Liverpool FC is played @LivEchonews pic.twitter.com/KQUhwjHb4o
— Ryan Paton (@RyanPaton1994) May 28, 2024
Në një tubim emocionues, tifozët kënduan dhe brohoritën për të, dhe të gjithë mundën të shihnin se sa i prekur ishte Klopp, përfshirë edhe lotët e tij.
Klopp gjithashtu tundi grushtin për herë të fundit dhe drejtoi brohoritjet ashtu siç bëri pas fitoreve të Liverpoolit.
Jürgen returns to the city to spend an evening with you Reds ✊❤️ pic.twitter.com/DUr0HxyhCi
— Liverpool FC (@LFC) May 28, 2024
Kujtojmë se Klopp e drejtoi Liverpoolin që nga viti 2015 dhe gjatë kohës së tij i solli tetë trofe klubit, duke përfshirë titullin e vitit 2020, të parin në Ligën Premier që nga viti 1990.
Një vit më parë, ai i solli klubit trofeun për fituesin e Ligës së Kampionëve, që ishte hera e parë që fitohej gara më i fortë evropiane për klube që nga viti 2005. /Telegrafi/