Ish-ylli i Liverpoolit, Luis Suarez është i bindur se Jurgen Klopp mund të çojë ‘Redsat’ përsëri në Ligën e Kampionëve në sezonin 2016-17.
Liverpool është paraqitur për herë të fundit në konkurs elitar të futbollit evropian për klube në 2014-15, kur ata nuk arritën të kualifikohen për në fazën e eliminimit direkt nga një grup ku ishin edhe Real Madrid, Basel dhe Ludogorets.
‘Reds’ përfunduan në vendin e tetë në sezonin e fundit të Ligës Premier, duke humbur edhe futbollin evropian së bashku, por Suarez mendon se ish-ekipi i tij së shpejti do të kthehet në nivelin më të lartë.
“Muajt e fundit, të gjithë pamë një performancë shumë të mirë nga Liverpooli”, tha sulmuesi i Barcelonës në faqen zyrtare të klubit, transmeton Telegrafi.
“Ata kishin një shans për të fituar Ligën e Evropës dhe në Ligën Premier ata kanë luajtur me të vërtetë mirë”.
“Tani është një sezon i ri dhe mendoj se menaxheri do të ketë besim se ata mund të përfundojnë në top-katër”, përfundoi Suarez. /Telegrafi/