Xherdan Shaqiri duket se tanimë ka lënë mbrapa lëndimin që e mbajti për një kohë të gjatë jashtë fushave.
Ylli nga Kosova ka dhënë kontribut në fitoren e Liverpoolit 1-4 në udhëtim te Aston Villa.
Shaqiri u inkuadrua në lojë në minutën e 61-të, teksa bëri dy asistime vendimtare në golat e Sadio Manes dhe Mohamed Salah.
E me lojën e mirë të Xherdanit ka mbetur i kënaqur edhe trajneri Jurgen Klopp, që ka lavdëruar paraqitjen e tij.
“Shaqiri bëri një lojë shumë të mirë, jam i kënaqur me paraqitjen e tij”, ka deklaruar Klopp.
Tutje trajneri gjerman ka lavdëruar edhe japonezin Minamino dhe Thiago Alcantarën.
“Minamino gjithashtu bëri një ndeshje të mirë dhe gjithashtu jam shumë i kënaqur edhe me Thiagon”, u shpreh ndër të tjera Klopp. /Telegrafi/