Trajneri i Liverpoolit, Jurgen Klopp nuk ka qenë aspak i kënaqur me gjykimin e ndeshjen ndaj PSG-së.
Sipas tij gjyqtari i ndeshjes ndau kartonë të verdhë pa nevojë për lojtarët e tij.
“Ne e kemi fituar tri herë radhës në Ligën Premier çmimin si ekipi në fair-play, por sonte na kanë detyruar të dukemi si kasapë”.
“Kemi gjashtë, shtatë, tetë kartonë të verdhë dhe kemi qenë pranë një kartoni të kuq. Ishte një, ose dy raste, që e merituam kartonin e verdhë, por jo të gjithë. Kjo është e pabesueshme”.
“Ne morëm një penallti. Kryesori nuk donte ta jepte, nuk e di se si është e mundur”.
“Gjyqtari duhet të jetë i përgatitur për një lojë si kjo. Kryesori sonte nuk dukej i përgatitur”.
KLOPP: – The ref needs to be prepared for a game like this, and he did not look prepared.
(@JanAageFjortoft) pic.twitter.com/V1ya4f5BPf
— Viasport Fotball (@ViasportFotball) November 28, 2018
“Ishte një karton i kuq, sipas meje, i qartë ndaj Verattit. E pashë shumë mirë dhe me siguri nuk ishte i njëjti karton me ngjyrë, si 500 që morëm sonte”.
Klopp u pyetu nëse gjyqtari polak ka qenë i rezervuar me aktrimet e yllit të PSG, Neymar, ai nuk preferoi të flas.
Në fund trajneri gjerman tha se beson që Liverpooli do të kalojë tutje në ndeshjen e fundit ndaj Napolit. Madje ai mendon që duhet të fitojë me dy gola edhe pse i kryen punë edhe një fitore 1-0.
“Kundërshtari italian është mjaft i fortë. Ne duhet të fitojmë me dy gola, çka nuk është një punë e lehtë”.
“Sidoqoftë, do ta kemi ‘Anfieldin’ në mbështetje dhe ende besojmë”, ka thënë Klopp për Viasport Fotball pas ndeshjes. /Telegrafi/