Trajneri i Liverpoolit , Jurgen Klopp nuk ka qenë i turpshëm në lëvdatat për mesfushorin e Bayern Munichut, Thiago Alcantara, në të kaluarën.
Sipas gazetës BILD, 29-vjeçari spanjoll ka udhëzuar agjentët e tij të shohin nëse Liverpooli është i interesuar për nënshkrimin e tij.
Transferimi i Alcantaras në Anfield duket se ka trajnerin gjerman, Klopp, si sponsorizues, pasi ai ka folur fjalë të mëdha për spanjollin në të kaluarën.
Në shkurt të vitit 2019, Bayern barazoi me Liverpoolin në Anfield dhe Klopp ishte plot lëvdata për ekipin gjerman dhe Thiagon në veçanti.
“Unë ndoshta kurrë nuk kam parë që ata të mbrohen ashtu. Respekt ndaj tyre pasi ata na e vështirësuan, edhe pse kemi pasur situata të mira kur kemi humbur prekjen e fundit”, kishte thënë fillimisht Klopp.
“Thiago është një futbollist i klasit botëror. Ai e luajti shumë mirë rolin e krijuesit. Krahas Javi Martinezit, ata ishin shumë të mirë”.
Në vitin 2017, Klopp gjithashtu e kishte zgjedhur Alcantaran si njërin nga të preferuarit e tij.
“Në kohën time në Gjermani, unë e admirova Thiago Alcantaran”, kishte deklaruar Klopp më 2017. /Telegrafi/