Jurgen Klopp është i lumtur me katër rikthime të rëndësishme në skuadrën e tij.
Portieri brazilian Alisson dhe mbrojtësi anglez Joe Gomez janë rikthyer në stërvitjen e Liverpoolit pasi të dy lojtarët shihen në pamjet e postuara në llogarinë e klubit në Twitter.
Good morning 👋 pic.twitter.com/D1dgzxrGQ6
— Liverpool FC (@LFC) February 13, 2024
Dyshja humbi ndeshjen e Burnleyt për shkak se ishin të sëmurë dhe Klopp e pranoi se një grip u përhap në klubin që ai e udhëheq.
Ndërkohë në fundjavë munguan edhe Dominik Szoboszlai dhe Mohamed Salah, por edhe këta dy janë rikthyer në stërvitje.
Time for today's session 💪 pic.twitter.com/XdEOmoCDf4
— Liverpool FC (@LFC) February 13, 2024
Mesfushori hungarez dhe sulmuesi egjiptian munguan në stërvitjen e mëngjesit, por janë rikthyer në atë të pasdites.
Liverpool do të luaj në fundjavë në udhëtim te Brentford dhe Klopp pritet t’i ketë në dispozicion të katër futbollistët e lartpërmendur. /Telegrafi/