Jurgen Klopp e ka cilësuar si të çuditshëm vendimin e Leicester Cityt për shkarkimin e trajnerit italian, Claudio Ranieri.
Leicester City vendosi mbrëmë(enjte) që të shkarkoj nga posti i trajnerit italianin Ranieri, i cili vitin e kaluar shkroi historinë me këtë klub duke fituar titullin e Ligës Premier.
Ky vendim i kampionit aktual anglez ka befasuar të gjithë njerëzit e futbollit, ku i fundit është trajneri i Liverpoolit, Jurgen Klopp.
Sipas Klopp, shkarkimi i Ranieri është vetëm njëri nga vendimet e çuditshme të kohëve të fundit, pas Brexitit dhe zgjedhjes së Donald Trumpit si President i SHBA-ve.
“Jam i habitur në lidhje me gjëra të tilla si kjo?”, ka thënë fillimisht Klopp për mediat angleze, përcjell Telegrafi.
“Ka pasur disa vendime të çuditshme. Brexit. Trump. Ranieri”, përfundoi trajneri gjerman.
Ndryshe, edhe Jose Mourinho e ka cilësuar si të befasues shkarkimin e Ranierit, duke i thënë që të qeshet italiani pasi historinë që ka bërë nuk munden ta fshijnë dot. /Telegrafi/