Feronikeli mori fitore bindëse në kuadër të javës së 22-të në Superligën e Kosovës, duke mposhtur Arbërinë me rezultat 3-0.
Nikli ishte superior ndaj skuadrës vendase, pasi u shënoi dy gola vetëm në pjesë të parë.
Trajneri i Feronikelit, Koldian Duro u shpreh mjaftë i kënaqur me paraqitjen e lojtarëve të tij, duke thënë se ishin të bashkuar dhe bënë lojë të mrekullueshme.
“Unë mendoj se nga një humbje mund të fitosh, ne jemi një ekip i bashkuar dhe secili bën detyrat e veta”, ka thënë ai pas ndeshjes për Art Sport.
“Mendoj që këtë fitore dua t’ua dedikoj futbollistëve të mi që japin gjithçka për fanellën”, përfundoi Duro.
Pas javës së 22-të, Feronikeli gjendet në vendin e gjashtë me 27 pikë, derisa Arbëria është në të tetin me 25 sosh. /Telegrafi/