Shërbimi Spitalor dhe Klinik Universitar i Kosovës (ShSKUK), sqaron se informatat e publikuara sot në disa portale, se në Klinikën Infektive kanë vdekur dy pacientë me COVID-19, nuk janë të vërteta.
Klinika Infektive e QKUK-së, njofton se asnjë nga pacientët me COVID-19 nuk ka vdekur në këtë klinikë dhe informatat e publikuara pa verifikim paraprak nga klinika nuk qëndrojnë.
Një paciente 74-vjeçare, e cila ka vdekur sot në kuadër të Klinikës Infektive ka rezultuar negative në testet e fundit, që do të thotë se ka qenë e shëruar nga COVID-19, por ka vazhduar mjekimin pasi që ka pasur probleme të tjera shëndetësore.
Ndryshe, disa media-portale sot në orët e pasditës kanë publikuar lajmin për kinse vdekjen e dy pacientëve me COVID-19. /Telegrafi/
