Mediet turke raportojnë se gruaja me shami si dhe me pantallona kamuflazhi, mund të jetë e dyshuara për shpërthimin në Stamboll ku humbën jetën gjashtë persona dhe 81 të tjerë pësuan lëndime.
Imazhet të publikuara nga mediumi turk, Sozcu, tregojnë si duket momenti kur e dyshuara, u largua menjëherë pas shpërthimit, transmeton Telegrafi.
Derisa të gjithë ishin në panik, shkruan mediumi turk, në orën 16.13, kur ndodhi shpërthimi në rrugën Istiklal, shihet se e dyshuara është larguar me vrap nga vendi i ngjarjes brenda të njëjtit minutë pas shpërthimit.
Njësitë e sigurisë, të cilat morën masa për kapjen e gruas me një xhaketë lëkure me shami në kokë dhe pantallona kamuflazhi, mblodhën pamjet e kamerave të sigurisë nga shumë pika.
Të gjitha ekipeve iu dha informacioni për përshkrimin e gruas. Mësohet se në vendngjarje ka dalë deklarata e shoferit të taksisë se gruaja dyshohet se ka kryer aktin terrorist.
Autoritetet turke zyrtarisht deklaruan se një grua mund të ketë pasur rol në sulmin e së dielës. Ministri turk i Drejtësisë, Bekir Bozdag, tha se e dyshuara ishte ulur në stol për 40 minuta, kur pas kësaj ndodhi shpërthimi.
Sipas Al Jazeera-s, e dyshuara thuhet se lëshoi një çantë me eksplozivë në mes të rrugës të mbushur me civilë, dhe shpërtheu disa minuta pasi ajo u largua.
#SONDAKİKA: Bombayı bıraktı… İşte #Taksim İstiklal Caddesi’ni kana bulayan kadın teröristin yüzü ve kaçış anları! #İstanbul #Beyoğlu #İstiklalCaddesi’nde meydana gelen #patlama nın sorumlusu olan terörist kadının yüzü ve kaçtığı anlar ortaya çıktı… pic.twitter.com/izKDkHFp0S
— Şimdi Duyduk (@simdiduyduk) November 14, 2022
Al Jazeera gjithashtu raportoi se në shpërthim dyshohet se janë të përfshirë tre persona, njëra prej të cilave është gruaja dhe dy burra, të lindur në vitin 2000.
