Telegrafi

Kjo është gjendja shëndetësore e të lënduarve në aksidentin në Celinë, ku humbi jetën një person

Një person ka vdekur dhe katër persona janë lënduar në një aksident trafiku, që ka ndodhur mbrëmë rreth orës 21:15, në rrugën Gjakovë-Prizren, saktësisht në fshatin Celinë të Rahovecit.

Në aksidentin e së dielës, ku janë ndeshur dy automjete, ku në vendin e ngjarjes ka mbetur një i vdekur, derisa personat e lënduar janë dërguar në emergjencë në Gjakovë.

Siç raporton RTV21, Dr. Jeton Vorfi nga Spitali Rajonal i Gjakovës ka bërë të ditur se të gjithë të lënduarit janë jashtë rrezikut për jetë.

“Mbrëmë rreth orës 21:50 janë sjellur në Repartin e Emergjencës katër të lënduar në aksident trafiku. Tek dy prej tyre është intervenuar në repartin e ortopedisë dhe janë jashtë rrezikut. Ndërsa dy të tjerët kanë marrë lëndime të lehta, por që të katërtit janë të hospitalizuar”, ka bërë të ditur Vorfi.

Lexo po ashtu Viktima e aksidentit në Celinë po ngiste veturën me shpejtësi rreth 200 km/h

Sipas dyshimeve të para, shkak i aksidentit mund të ketë qenë shpejtësia e madhe njërës nga veturat dhe tejkalimi i gabuar.