Trazirat në Kazakistan dhe vendosja e menjëhershme e trupave ruse mund të duket si një situatë e paqartë në ish-republikën sovjetike.
Lidhur me këtë, ish-oficeri i Shërbimit Ushtarak rus të Inteligjencës (GRU), Igor Girkin duke folur në një studio televizive për krizën në këtë vend, paraqet idetë e tij radikale për një vend që po përballet me një destabilitet serioz.
Girkin thotë se askush nuk ka nevojë për një Kazakistan të madh dhe se Rusia duhet të aneksojë një të tretën e territorit të tij të banuar nga rusë etnikë.
“Ne duhet të aneksojmë një të tretën e territorit të saj, të banuar nga rusët etnikë dhe të krijojmë një qeveri besnike”, tha Girkin.
Russian FSB officer and the head over Russian terror units in Ukrainian Donbas 2014 Girkin: "Nobody needs a large Kazakhstan. We need to annex 1/3 of its territory, inhabited by ethnic Russians, and to install a loyal government over another 2/3 vs China". pic.twitter.com/9qb2hIsSEp
— Sergej Sumlenny (@sumlenny) January 10, 2022
Ai është një veteran i ushtrisë ruse, i cili pati rol kyç në aneksimin e Krimesë dhe më vonë drejtoi grupet ushtarake të Donetskut në rajonin Donbas të Ukrainës lindore.
Në vitet ’90-ta, Girkin iu bashkua forcave serbe në luftën e Bosnjës dhe Hercegovinës si vullnetar. Luftoi në Vishegrad, ku ushtarët serbë, nën komandën e kriminelit të dënuar të luftës Millan Lukiq, dogjën të gjallë civilë boshnjakë, kryesisht gra dhe fëmijë.
Si një vullnetar i lidhur me shërbimet e inteligjencës shtetërore ruse, Girkin ishte bashkëluftëtar i vrasësve të Llukiqit.
Autoritetet ukrainase e kanë akuzuar Girkinin për terrorizëm. Bashkimi Evropian e sanksionoi atë për rolin e tij udhëheqës në konfliktin e armatosur në Ukrainën lindore. Autoritetet ukrainase e kanë identifikuar si kolonel në pension të GRU-së.