Mjafton që vetëm t’i shikoni këto fotografi dhe do donit të kishit në duar një qese me kokoshka, për të përjetuar ndjenjën e të qenit në një kinema të dikurshme.
Fotografi me bazë në Paris, Stephan Zaubitzer i ka kaluar 16 vitet e fundit duke fotografuar ‘shtëpitë e filmave’ prej brigjeve të Egjiptit, deri në dritat shndritëse të Los Angeles, transmeton Telegrafi.
Në këtë formë, ai ka dashur të dokumentojë kohën e artë të ekraveve të mëdha, që me ardhjn e televizioneve dhe platformave të ndryshme transmetuese, ekzistenca e kinemave mbetet nën kërcënim.
“Sa herë që mbyllet një kinema, humbë edhe shpirti i atij regjioni. Me këto fotografi, dua ta mbajë gjallë këtë shpirt” ka thënë Zaubitzer. Në galerinë e tij, shihen kontrastet e këtyre kinemave, disa prej të cilave ende janë në shfrytëzim, si dhe të tjera që janë braktisur në kohë.
Varësisht nga shtetet dhe sistemet nga të cilat janë qeverisur, bashkë me gjendjen ekonomike, kanë luajtur rol të rëndësishëm në dukjen dhe madhështinë e këtyre objekteve. /Telegrafi/
