Kim Kardashian shkëlqeu në gala-n 2024 “LACMA Art + Film” në Los Angeles, ku tërhoqi vëmendjen me një fustan të bardhë dhe një kryq të veçantë ametisti që dikur kishte vendosur Princesha Diana.
Ylli , 44 vjeçe, e kishte zbukuruar fustanin e saj me këtë copë antike, e cila ishte veshur nga Diana në një ngjarje bamirësie në vitin 1987.
Fustani theksonte dekoltenë e saj, duke u kombinuar me bizhuteri të mëdha që ofronin një kontrast të bukur, shkruan DailyMail.
Përveç kryqit, Kim e kishte shoqëruar edhe me perla, e cila kujtonte një tjetër bizhuteri të princeshës, sipas raporteve të WWD.
Ajo e përfundoi pamjen me një pallto fildishi të hedhur mbi shpatulla.
Flokët e saj ishin stilizuar në një stil bob të kthyera në të majtë, ndërsa grimi ishte i thjeshtë, rimel kafe dhe një buzë nudo.
Vlen të përmendet se Kim kishte blerë Kryqin e Attallah në një ankand të Sotheby’s vitin e kaluar për 197,453 dollarë, një shumë që është dyfishi i vlerësimit të tij para ankandit.
Ky kryq, i quajtur sipas pronarit të tij të mëparshëm, Naim Attallah, kishte qenë një pjesë e dashurisë së Princeshës Diana, e cila e kishte marrë në huazim gjatë viteve 1980. /Telegrafi/
