Kim Kardashian vazhdon të jetë një prej personazheve më të komentuar në mediat ndërkombëtare.
Dukjen e saj, ajo ia beson gjithnjë grimerit të njohur shqiptar, Mario Dedivanovic, i cili është njëherësh edhe grimeri i saj i besuar prej vitesh.
Mario sot feston ditëlindjen e 35-të, dhe me këtë rast ka marrë një urim të përzemërt nga bashkëpunëtorja e tij më e afërt, Kim Kardashian.
Kjo e fundit, vendosi që në InstaStory të publikoi disa imazhe të realizuara ndër vite, e ndërsa shkruante urime të përzemërta për të.
“Urime ditëlindjen një dhe i vetmi im Mario Dedivanovic. Të dua përtej asaj që një hapësirë në postim mund ta thotë”, ka shkruar ajo në një nga postimet e saj.
Mario përndryshe njihet si grimer i shumë yjeve botërorë, por në veçanti kujdeset për dukjen e Kimit.
Urimet për të në këtë ditë, kanë qenë të shumta edhe nga fansat. /Telegrafi/
