Kim Kardashian tha se do të hiqte dorë “absolutisht” nga karriera e saj televizive nëse do të nënkuptonte që të fokusohej në të qenit avokate “me kohë të plotë”.
Ylli televiziv bëri këto deklarata gjatë një paneli e samitit të ‘Time 100’ duke thënë se do dëshironte të ishte e angazhuar si avokate.
“Do të isha po aq e lumtur të isha një avokate me kohë të plotë”, tha ajo të martën, kur u pyet nga moderatorja Poppy Harlow nëse do të konsideronte ndonjëherë të largohej nga ekrani, shkruan PageSix.
“Ka shumë gjëra që janë gjithmonë në TV dhe shumë që janë gjithmonë atje jashtë, por mendoj se miqtë e mi dhe familja ime e dinë se ne vërtet e pëlqejmë shumë kohën tonë private”, tha ylli.
Kardashian, 42 vjeçe, shtoi se shpreson që luftimi i padrejtësive në sistemin e burgjeve të vendit do të jetë “vepra më kuptimplote e jetës së saj”.
“Unë gjithmonë bëj shaka me nënën time – e cila është menaxherja ime – them, ‘Kim K. po del në pension dhe unë thjesht do të bëhem avokate’”, u shpreh tutje ajo.
Themeluesja e “Skims” shtoi, “Unë do të shpenzoja plotësisht më shumë kohë duke e bërë këtë, me kamera ose pa kamera”.
Kardashian tutje tregoi se rrugëtimi për t’u bërë avokate i ka hapur sytë për atë se ka shumë për të bërë.
“Është dërrmuese. Unë solla motrën time Khloe në një burg për herë të parë javën e kaluar dhe kjo mi hapi sytë vërtetë”, tha Kim.
Kim luajti në “Keeping Up With The Kardashians” i cili debutoi në vitin 2007, për 20 sezone derisa nënshkroi me Hulu për shfaqjen e tyre të re të realitetit “The Kardashians”, e cila u shfaq vitin e kaluar.
Me kalimin e viteve, karriera e Kim u zgjerua përtej realitetit televiziv, pasi ajo lansoi markën e saj të veshjeve “Skims” dhe markën e bukurisë SKKN by Kim (ish KKW Beauty.)
Por ajo filloi të interesohej për të luftuar për reformën e burgjeve në vitin 2017, kur filloi të angazhohej për mbrojtjen e Alice Marie Johnson, e cila kishte vuajtur një dënim të përjetshëm në burg që nga viti 1996, pasi u dënua për herë të parë për një vepër të drogës.
Ajo i kushtoi kohën e saj lirimit të Johnson, 67 vjeç dhe madje u takua me ish-presidentin Donald Trump për këtë çështje. Trump, 76 vjeçe, ia ndryshoi dënimin në vitin 2018 dhe Johnson u lirua.
Që atëherë, Kim ka vazhduar të bëhet zëri për lirimin e disa të dënuarve të tjerë dhe zbuloi në vitin 2019 se ajo po studionte për t’u bërë avokate.
Kim – babai i ndjerë i së cilës, Robert Kardashian, ishte avokat i famshëm i OJ Simpson gjatë gjyqit të tij të vrasjes.
Ajo tha në samit se planifikon të marrë provimin aktual të jurisprudencës në shkurt 2025.
Kim ka një portofol të madh karriere dhe gjithashtu lansoi firmën e kapitalit privat SKKY Partners shtator. /Telegrafi/