Kim Kardashian mahniti fansat me format e saj të tonifikuara gjatë një seti fotografik në plazhin e Los Angeles këtë javë.
Themeluesja e SKIMS, 44 vjeç, pozoi nën rrezet e diellit me bikini elegante blu dhe një bluzë të bardhë gjysmë të tejdukshme, shkruan DailyMail.
E njohur për disiplinën e saj të hekurt në fitnes, Kim është lavdëruar nga trajnerët e saj për përkushtimin dhe dëshirën për të ndërtuar një trup të fortë.
“Ajo nuk dëshiron të jetë thjesht e dobët, por të ketë muskuj dhe të ndihet e fuqishme”, ka thënë ish-trajnerja e saj Melissa Alcantara.
Pavarësisht angazhimeve të shumta, Kim vazhdon të jetë aktive edhe në botën e biznesit.
Së fundmi, ajo njoftoi bashkëpunimin mes SKIMS dhe Nike, duke e quajtur atë një markë të re që kombinon stilin dhe performancën.
Në këtë set fotografik, Kim shfaqej natyrale dhe e lumtur, ndërsa argëtohej me valët dhe realizonte poza të ndryshme, madje edhe pranë një jet ski.
Kjo nuk është hera e parë që ajo pozon në plazh—vetëm disa javë më parë, ajo u pa në Bahamas me bikini me print leopardi.
E angazhuar në projekte të shumta, nga seriali i ri “All’s Fair” me Ryan Murphy deri te bizneset e saj, Kim Kardashian vazhdon të mbetet një nga figurat më të ndjekura dhe të admiruar në botën e modës dhe showbiz-it. /Telegrafi/
