Autoritetet në Dubai kanë nisur një hetim nëse Kim Kardashian ka bërë një vizitë të “paautorizuar” në emiratet e Gjirit Arab, duke sugjeruar që vizita e saj gjoja në emër të bamirësisë për fëmijë, ishte kundër vlerave lokale.
Kardashian me 15 janar vizitoi qendrën Rashid për aftësi të kufizuara, e njohur edhe si Qendra e terapisë pediatrike Rashid.
Ajo arriti e veshur me xhinse të grisura dhe një maicë, por u ndërrua me një mantel të zi dhe gjerdan për vizitën e saj tek fëmijët në qendër.
Megjithatë, zyrtari në ministrinë e zhvillimit të komunitetit Wafa bin Suleiman citohet të ketë thënë që vizita e starletës ishte e paautorizuar dhe nuk “kishte qëllime prej të cilave do të përfitonin nxënësit”, raporton Reuters.