Kim Kardashian ka befasuar fansat me fotografitë e saj më të fundit në Instagram, ku shumë prej tyre komentuan se ajo duket gjithnjë e më shumë si motra e saj më e vogël, Kylie Jenner, 27 vjeçe.
“Mendova se kjo ishte Kylie!” shkroi një ndjekës, ndërsa një tjetër tha: “Ajo po kthehet në Kylie.”
Bukuroshja 44-vjeçare u shfaq magjepsëse në fotografitë, duke reklamuar të brendshme të reja nga bashkëpunimi i saj me ‘Dolce & Gabbana’, të quajtur ‘D&GxSKIMS’, shkruan DailyMail.
Fotografitë janë realizuar në një mjedis të frymëzuar nga një qytet i vjetër italian, me qytetarë të moshuar që plotësojnë sfondin nostalgjik.
Në këtë kampanjë mori pjesë edhe motra e madhe e Kim-it, Kourtney Kardashian, e cila shfaqi format e saj pas lindjes së djalit të katërt, Rocky Barker.
Koleksioni ekskluziv nis më 19 nëntor në faqen dhe dyqanet e ‘SKIMS’.
Kjo vjen pasi Kim ndau mendimet e saj për prindërimin e vetëm, duke folur me Zoe Winkler në podcast-in “What The Winkler?”.
Ajo tha se përjeton sfidat dhe gëzimet e të qenit një prind i vetëm për katër fëmijët e saj. /Telegrafi/
