Kim Kardashian e ka festuar datëlindjen e 40-të në një ishull privat dhe nuk do të ishte problem nëse ajo nuk do ta kishte përshkruar këtë festë si një “gjë të thjeshtë”.
“Para coronavirusit, unë nuk mendoj se dikush prej nesh i vlerësonte lukset e thjeshta të tilla si udhëtimet dhe mundësinë për të kaluar kohë me miqtë dhe familjen në një mjedis të sigurt”, kishte shkruar ajo në Twitter, duke shtuar se “me përulësi e kujtova sa e privilegjuar është jeta ime”.
Dy javë pasi të gjithë kaluan testet shëndetësore dhe ishin në karantinë, ajo vendosi të befasojë miqtë dhe familjen e saj më të ngushtë duke organizuar një aheng në një ishull privat – transmeton KP.
Ndërsa disa ndjekës në Twitter vlerësuan sinqeritetin e saj, të tjerët e konsideruan këtë postim “të pandjeshëm”.
“Është kaq groteske. Të pasurit mund të shtiren si njerëz normalë në një ishull privat. Në fakt, njerëzit normalë anulojnë Falënderimet dhe Krishtlindjet”, shkroi një përdorues i rrjetit social.
Muzikanti britanik Peter Frampton gjithashtu nuk la pa kritikuar yllin e famshëm televiziv.
“A jeni kaq të pashpresë sa nuk e kuptoni se kjo nuk është diçka që shumica e njerëzve do të donin të dëgjonin në mes të një pandemie? Njerëzit shkojnë në kuzhina publike, jo në ishuj privatë”, ka komentuar ai.
