Përhapja e virusit COVID-19 e ka pezulluar thuajse çdo aktivitet, ndërsa në mesin e të izoluarve nëpër shtëpitë e tyre janë edhe yjet e njohura të skenës dhe ekranit.
Shumë prej tyre kanë zgjedhur metoda nga më të ndryshmet për ta kaluar periudhën e karantinës, gjatë të cilës duhet shmangur kontaktet shoqërore.
Natyrisht që yjet i ruajnë kontaktet me fansat e tyre përmes publikimeve të ndryshme në rrjetet sociale, ndërsa Kida e ka publikuar një fotografi të sajën nga studioja.
“Karantina për të cilën kam nevojë”, është përshkrimi që këngëtarja ia ka vënë kësaj fotografie.
Ndërkohë, në InstaStory, ajo i ka publikuar disa video nga sfidat më të reja në rrjetet sociale përmes nominimeve nga kolegët dhe miqtë, të cilave iu është përgjigjur. /Telegrafi/