Ledri Vula, Kida dhe Butrint Imeri, pritet që sonte në mesnatë të publikojnë projektin e ri muzikor.
Këtë tashmë e kanë bërë të ditur prej kohësh, derisa vazhdojnë të sjellin momente të ndryshme nga prapaskenat e klipit.
Ka qenë së fundmi Kida ajo e cila ka ndarë një tjetër fotografi përkrah dy artistëve të njohur dhe se thekson se sonte është nata e tyre.
“Sonte është nata, ‘Dale’ 00:00”, kanë qenë fjalët krahas postimit.
Këtë kohë ndryshe është bërë trend që të gjithë artistët të lansojnë projektet e tyre në orën 00:00, nisur fillimisht nga çifti Mozzik e Loredana.
Sido që të jetë, ky projekt besohet se do jetë një nga hitet e verës 2021, marrë parasysh ndikimin dhe famën e të tre artistëve.
Të shumta kanë qenë reagimet e ndjekësve me përshkrimet se mezi po e presin këtë super bashkëpunim. /Telegrafi/