Mogulja e bukurisë dhe themeluesja e ‘Kylie Cosmetics’, Kylie Jenner, ditën e sotme feston ditëlindjen e 23-të.
Këtë ditë të veçantë, vajza e një nëne e priti e rrethuar me shumë dashuri, surpriza e po ashtu me dedikime emocionale.
Një të tillë e ka pranuar nga motra e saj, Khloe, e cila ka ndarë në rrjetet sociale fotografi të përbashkëta me Kylien nga fëmijëria e saj.
“Urime ditëlindjen zemra ime. Si është vajza ime e vogël 23 vjeçe? seriozisht si? Oh Zoti Im, a nuk kanë qenë këto 23 vite spektakolare. Ne kemi kujtimet më të mira dhe akoma kemi shumë për të jetuar. Çfarë mendimi emocional. Ky është vetëm fillimi. Urime ditëlindjen ëmbëlsirë. Ne jemi shumë të bekuar që të kemi juve. Me fat të inspirohem nga një nënë e mahnitshme, motër, vajzë dhe një sipërmarrëse siç jeni ju”.
“Të qenurit motra jote është një bekim që jeta më ka dhënë. Ju keni një zemër të artë. Sinqerisht unë e falënderoj Zotin çdo ditë për ju dhe për gjithë familjen time. Shpresoj që do jesh e rrethuar me bekime, dashuri, lumturi dhe argëtim”, ka shkruar mes shumë gjërash Khloe.
Përveç Khole, Kylie ka pranuar një dedikim emocional edhe nga e ëma, Kris Jenner, teksa ka ndarë disa imazhe në Instagram me përshkrimin, “Shumë urime për vajzën time të bukur, për fëmijën tim më të vogël. Ju jeni nënë, vajzë, shoqe e mrekullueshme. Jam e bekuar me ty”. /Telegrafi/
