Khephren Thuram mund të transferohet ende te Liverpooli në këtë afat kalimtar, ka raportuar Fabrizio Romano në podcastin Born and Red.
Për momentin, marrëveshja është në pritje pasi Reds po i japin përparësi nënshkrimit të Romeo Lavia.
Megjithatë, ekziston ende mundësia që Thuram të kalojë në Anfield, pasi është tejet i preferuar nga Jurgen Klopp.
Që kjo të ndodhë, Nice do të duhet të ulë çmimin e kërkuar për 22-vjeçarin. Së dyti, vetë lojtari do të duhet të ulë pagën e tij dhe kërkesat për tarifën e nënshkrimit.
Liverpooli tani po shtyn për Lavian sepse me pagat dhe tarifat e agjentëve të përfshirë, nënshkrimi i belgut do të kushtonte më pak se ai i Thuram. /Telegrafi/