Njeriu, i cili qëndron prapa universit të Marvel, Kevin Feige, ka reaguar ndaj komenteve të Martin Scorsese se filmat me superheronj nuk bëjnë pjesë në filmat e vërtetë.
Ai ka thënë se secili e ka definicionin e vet lidhur me filmat duke shtuar se pohimet e filmbërësit legjendar janë të pasakta dhe jo të kënaqshme – transmeton BBC.
“Të gjithë ne që punojmë në këto filma na pëlqen arti filmik dhe na pëlqen të shkojmë nëpër kinema”, ka thënë Feige.
Komentet e tij pasojnë deklaratat e Disney, Bob Iger, i cili ka theksuar se Scorsese ndoshta nuk ka shikuar asnjë film të Marvelit, sepse nuk do të kishte thënë diçka të tillë.
“(Filmat e Marvel) nuk janë filma, në të cilët qeniet njerëzore përpiqen të transmetojnë përvoja emocionale dhe psikologjike te një tjetër qenie njerëzore”, kishte thënë filmbërësi legjendar. /Telegrafi/