Telegrafi

Këto janë fluturimet që janë anuluar për sot në Aeroportin “Adem Jashari” (Dokument)

Foto: Ilustrim

Zyrtarët e Aeroportit Ndërkombëtarë të Prishtinës “Adem Jashari” kanë bërë të ditur se kanë anuluar 8 fluturime në shkuarje dhe 8 fluturime në ardhje për shkak të grevës së Kontrollorëve të trafikut Ajror.

Lexo po ashtu Greva Kontrollorëve Ajror, sot bllokon 8 orë fluturimet nga Aeroporti i Prishtinës

Menaxheri i planifikimit të fluturimeve në ANP, Diton Hyseni, tha se për shkak të rrethanave të krijuara nga greva e Kontrollorëve të Trafikut Ajror, kanë anuluar disa fluturime nga planifikimet për datë 15 shkurt 2019, shkruan Telegrafi.

“Gjithsejtë të planifikuara kemi pasur 19 arritje e 19 shkuarje, por për shkak të grevës janë anuluar 8 arritje dhe 8 shkuarje. Aktualisht mbeten 11 arritje dhe 11 shkuarje në plan të realizohen. Kuptohet se disa nga fluturimet janë riprogramuar duke evituar kornizën kohore të grevës së paralajmëruar për sot”:, ka bërë të ditur Hyseni.

Kompania Limak Kosova Int’l Airport shpreson që kjo gjendje të evitohet sa më shpejt dhe të gjitha operimet të realizohen sipas planeve sezonale të fluturimeve dhe shfrytëzuesit e aeroportit të mos kenë nevojë për anulime e riprogramime të tilla të fluturimeve, rrjedhimisht udhëtarët të udhëtojnë sipas planifikimeve të tyre. /Telegrafi/