Shumë futbollistë shqiptarë ndërruan skuadra gjatë afatit kalimtar veror, por dhe tani në këtë afat të dimrit.
Telegrafi ka zgjedhur 10 transferimet më të mira në bazë të asaj se çfarë treguan lojtarët me fanellën e re.
Transferimi më i mirë dhe që është pëlqyer shumë edhe në Angli është kalimi i Shkodran Mustafit nga Valencia te Arsenali. Aty është edhe Granit Xhaka që me hapa me të vogël, por të sigurt është duke bërë vend.
Bekim Balaj la kampionatin kroat për atë rus. Ai çmendi të gjithë duke shënuar tetë gola.
Florent Hadergjonaj kaloi nga Zvicra në Gjermani. Mbrotjësi fitoi vendin në formacion dhe po paraqitet mjaftë mirë. Veseli është lojtari që ka treguar ngritje pasi u paraqit mjaftë mirë me Empolin ku erdhi nga Lugano, transmeton Telegrafi.
Celina u huazua nga City drejt Twentes, ku tregoi se kjo lëvizje është e qëlluar. Mesfushori i Kosovës po luan rregullisht dhe ka shënuar edhe gola.
Edhe Xhamaili shkëlqeu në Serie A këtë vit ku edhe fitoi kontratë të majme me klubin kanadez Montreal.
Tjetër lojtar që bëri ndryshim të mirë doli të jetë edhe Donis Avdijaj. Sulmuesi e ka shënuar edhe golin e parë te Schalke.
Së fundmi janë edhe transferimet e Mavrajt dhe Berisha që ndërruan mjedisë dhe do të kenë të ardhura më të mëdha. /Telegrafi/
Shkodran Mustafi (Valencia – Arsenal)
Etrit Berisha (Lazio-Atalana)
Bekim Balaj (Rijeka – Terek Grozny)
Florent Hadergjonaj (Young Boys Bern –Ingolstadt)
Frederik Veseli (Lugano – Empoli)
Bersant Celina (Man. City – Twente)
Blerim Xhemaili (Galatasaray – Bologna)
Granit Xhaka (B. Moenchegladbach – Arsenal)
Donis Avdijaj (Sturm –Schalke)
Mërgim Mavraj (Koln – Hamburg)
Bernard Berisha (Anzhi – Terek Grozny)
