Në kampionatin anglez janë vetëm tre futbollistë që kanë arritur të krijojnë më shumë se 100 raste për gol gjatë vitit 2016.
Për të shënuar një gol, sigurisht që të nevojitet një aksion i mirë apo edhe asistim nga bashkëlojtarët.
Kështu, në Ligën Premier ka shumë futbollistë që janë të aftë të krijojnë shanse për bashkëlojtarët, ku shumë nga to përfundojnë edhe me gol.
Futbollisti që ka krijuar më së shumti raste në vitin 2016 është mesfushori francez i West Hamit, Dimitri Payet, me plot 132 raste të krijuara për gol, duke lënë pas vetes yllin e Tottenhamit, Christian Eriksen me 111 raste.
Në vendin e tretë renditet fantazisti gjerman i Arsenalit, Mesut Ozil, i cili përmbyll ‘Top 3’ të Ligës Premier me 103 raste të krijuara për gol. /Telegrafi/
Dimitri Payet – 132 raste të krijuara
Christian Eriksen – 111 raste të krijuara
Mesut Ozil – 103 raste të krijuara
