Dua Lipa ka prezantuar ballinën e albumit të saj të parë në karrierë.
Kohë më parë këngëtarja ka zbuluar se albumi do të dal në shitje në muajin shkurt të vitit të ardhshëm.
“Jam shumë e ngazëllyer që po ndaj me ju ballinën e albumit tim dhe ju falënderoj që keni qenë të durueshëm me mua dhe që më keni mbështetur. Arsyeja pse e kam titulluar me emrin tim është se ky album jam unë. Prezanton atë që jam si person dhe si një artiste”, ka shkruar ajo në prezantimin e ballinës së albumit.
Krijuesja e hitit “Hotter than hell” gjithashtu ka bërë të ditur se të premten do të publikojë këngën e re “Blow your Mind”. /Telegrafi/