E plotësuar: Ka përfunduar protesta e qytetarëve serbë e cila zgjati rreth dy orë në veri të Mitrovicës.
Protestuesit të cilët ishin pozicionuar në stacionin e Policisë në veri të Mitrovicës u nisën drejt Urës së Ibrit.
Ata gjatë rrugës në afërsi të lokaleve të reja që janë hapur në veri kanë brohoritur “Serbia, Serbia”.
Ndryshe, ata me parulla në duar dhe me fishkëllima kërkuan lirimin e politikanit serb, Aleksandar Arsenijeviq, i cili është arrestuar për prishje të rendit dhe qetësisë publike.
“Gjyqtari, juria dhe ekzekutuesi”, protestuesit me parulla dhe fishkëllima kërkojnë lirimin e politikanit serb në veri
E plotësuar:Protestuesit e mbledhur para stacionit policor në veri të Mitrovicës nuk janë duke i lejuar që në rrugë të kalojnë veturat.
Protestuesit bllokuan një taksi dhe një furgon duke i detyruar të kthehen mbrapsht, veprim ky i cili bëri që protestuesit të duartrokasin.
Ndryshe, ata me parulla në duar dhe me fishkëllima janë duke kërkuar lirimin e politikanit serb, Aleksandar Arsenijeviq, i cili është arrestuar për prishje të rendit dhe qetësisë publike.
E plotësuar: “Gjyqtari, juria dhe ekzekutuesi” është një nga parullat që protestuesit serbë po mbajnë në protestën para stacionit policor në veri të Mitrovicës, e në të cilën parullë është edhe fotografia e kryeministrit Albin Kurti.
Ata po ashtu po mbajnë parullat “A është BE e shqetësuar” dhe “Bravo Eulex, ti i ke mësuar shumë mirë këta”.
Protestuesit serbë me parulla në duar dhe me fishkëllima janë duke kërkuar lirimin e politikanit serb, Aleksandar Arsenijeviq, i cili është arrestuar për prishje të rendit dhe qetësisë publike.
Kërkojnë lirimin e Aleksandar Arsenijeviqit, protestuesit serbë mblidhen para stacionit policor në veri të Mitrovicës
E plotësuar: Kanë filluar të mblidhen protestuesit serbë para stacionit policor në veri të Mitrovicës.
Siç raporton gazetarja e Telegrafit, Blinera Mehmeti ata kërkojnë lirimin nga paraburgimi të politikanit serb, Aleksandar Arsenijeviq.
Ndërkaq, protesta është organizuar nga Partia Demokratike Serbe dhe është paralajmëruar të filloj nga ora 10:00.
Ndryshe, udhëheqësi i Demokracisë Serbe, Aleksandar Arsenijeviq dhe një person tjetër ditë më parë ishin arrestuar për prishje të rendit dhe qetësisë publike në veri të Mitrovicës. /Telegrafi/