Një person me inicialet P.K, në rrjetin social TikTok përmes një video të shkurtër ka kërcënuar se do hedh “bomba” gjatë namazit të xhumasë në xhaminë e madhe në Mitrovicë.
Pasi video është bërë virale në rrjet, Policia e Kosovës e ka marr në intervistim personin në fjalë.
Në një prononcim për Telegrafin lajmin e konfirmoi zëdhënësi i Policisë së Kosovës për rajonin e Mitrovicës, Avni Zahiti.
“Ju njoftojmë se policia e ka shoqëruar për intervistim personin që është shfaqur në video”, ka thënë shkurt Zahiti duke mos dhënë detaje shtesë. /Telegrafi/