Telegrafi

Kepa prezantohet te Chelsea: Është një hap para në karrierën time

Futbollisti më i ri i Chelseat, Kepa Arrizabalaga, është shprehur tejet i entuziazmuar që ka kaluar te klubi londinez.

Klubi nga Stamford Bridge arriti të sigurojë firmën e spanjollit të talentuar.

Dhe qysh në prezantim ai ka shprehur bindjen e tij se do të përshtatet me stilin e Maurizio Sarrit, kurse cilëson këtë si një hap përpara në karrierën e tij.

“Jam pafundësisht i lumtur qëjam këtu. Është sfidë e mirë për mua dhe do të thotë shumë për mua. Është hap përpara”.

(Foto: skysports.com)

“Disa lojtarë kanë nevojë për më shumë kohë që të adaptohen, e disa më pak. Shpresoj se do të jem në gjendje që të përshtatem shpejt me stilin. Unë e kuptoj lojën në Angli se është ndryshe, por unë kam marrë mendime fantastike nga lojtarët spanjoll për këtë klub”.

“Jam lojtar që kërkoj shumë prej vetes”, u shpreh lojtari.

Ai shtoi se shpreson se do të përshtatet shpejt me stilin e lojës të Maurizio Sarrit, të cilin e ka lëvduar Pepe Reina. /Telegrafi/