Këngëtarja Donna Dafi, me prejardhje nga Peja e Kosovës, e lindur në Gjermani ku edhe jeton, së fundmi në bashkëpunim me artistë nga të dyja shtetet si Florent Boshnjaku, shtëpinë e produksionit “Adulis Ghebreyesus”, ka realizuar klipin e ri “Çka po don?”, tekstin e së cilës e ka shkruar vetë, në bashkëpunim me Adulis Ghebreyesus.
Donna Dafi, në “Çka po don?”, e ka paraqitur veten si një grua të fortë e të pavarur, që merr atë që dëshiron dhe bën të vetën dhe se asgjë nuk mund ta ndalojë.
Me pamjet që i kemi në klip, Donna Dafi garanton se ka fuqinë e asaj femre që ngjitet në çdo kanal dëgjimi.
Për anën vizuale të projektit është kujdesur produksioni Smartmotionfilm.
Donna vazhdon të jetë një emër i ri dhe shumë premtues i estradës shqiptare. /Telegrafin/
