Këngëtarja e famshme, Dua Lipa, është konfirmuar si pjesëmarrëse e ngjarjes së njohur muzikore që mbahet në Dublin të Republikës së Irlandës, “Academy”.
Hotpress ka njoftuar se shqiptarja e njohur do të këndojë në “Dublin Academy” më 5 tetor, ndërsa biletat dalin në shitje që nga kjo e premte, 13 maj, me çmim prej 22.90 euro.
Ky tabloid thotë se 20-vjeçarja ka një stil të veçantë të këndimit me ndikim nga hip-hopi.
Dua Lipa u bë e njohur me këngën “Be The One” dhe tani pas lansimit të disa këngëve pritet që gjatë verës të publikojë albumin e saj të parë.
“Dublin Academy” ka katër hapësira ku mbahen koncertet, në secilën me zhanre të ndryshme. Kjo ngjarje ka nisur që nga gushti i 2008-ës. Aty më parë kanë marrë pjesë edhe këngëtarë të njohur si Lilly Allen e DJ Calvin Harris.