Sot (e diel) në Kosovë po mbahen Zgjedhjet Lokale 2017.
Qytetarë të shumtë kanë dalë drejt qendrave të votimit për të përzgjedhur të preferuarin e tyre, i cili do të qeverisë komunën në të cilën ata jetojnë.
Përjashtim nuk bëjnë as fytyrat publike, të cilat zgjojnë më shumë interes te publiku rreth bindjeve të tyre politike.
Sot në qendra të ndryshme të votimit u panë disa këngëtarë, të cilët nuk hezituan të ndajnë me fansat e tyre pamje nga momenti i votimit.
Telegrafi ju sjell në vazhdim disa prej tyre
Këngëtarja Shkurte Gashi kishte shprehur hapur mbështetjen e saj për kandidatin për kryetar komune në Obiliq, Xhafer Gashin nga radhët e AAK-së, të cilin e ka edhe kushëri të afërt. Sot, ajo u pa duke votuar në një nga qendrat e votimit në Prishtinë, teksa ishte veshur mjaft me stil në një ditë si kjo.
Gili dhe Ilir Berani
Edhe çifti i njohur i skenës kryen sot obligimin e tyre si qytetarë. Ata publikuan një fotografi në rrjetin social Instagram ku shfaqeshin së bashku pas momentit të votimit, ndërsa në mbishkrimin e fotografisë kanë shkruar: “Ne votuam ! E ju ?”.
Këngëtarja e njohur Zanfina ismaili votoi sot gjithashtu. Këtë gjë ajo e bëri të ditur përmes një fotografie të publikuar në InstaStory, ku shkruante në mbishkrimin e saj “Pas votimit”. Ndryshe, Ismaili ka shprehur ditë më parë haptazi mbështetjen e saj për kandidatin për kryetar të Prishtinës nga radhët e LDK-së, Arban Abrashin.
E shoqëruar nga vajza e saj Rozafa, edhe bashkëshortja e producentit Shkumbin Kryeziu, këngëtarja Mimoza Mustafa, ka kryer obligimin e saj si qytetare në një nga qendrat e votimit në Prishtinë. E njëjta ka shprehur disa herë haptazi përmes rrjeteve sociale mbështetjen e saj për Lëvizjen Vetëvendosje.
Edhe reperi Gold AG ka votuar sot në Prishtinë. I njëjti nuk është prononcuar asnjëherë rreth bindjeve të tij të politike, megjithatë ka shprehur shpesh përkrahjen e tij ndaj familjes Haradinaj. Sot ai publikoi një fotografi në Instagram, ku u shfaq duke hedhur votën e tij në një nga kutitë e votimit, teksa në mbishkrimin e fotografisë kishte shkruar: “Përhajr na koft”. /Telegrafi/